Gjatë 24 orëve të kaluara, në Rusi janë shënuar 8,404 raste të reja të koronavirusit.
Kështu, numri i përgjithshëm i personave të infektuar me Covid-19 në shtetin me sipërfaqen më të madhe në botë shkoi në 493,657.
Përpos infektimeve, gjatë kësaj periudhe u shënuan 216 raste fatale dhe shifra e përgjithshme e të vdekurve shkoi në 6,358, shkruan “Reuters”.
Pavarësisht numrit të lartë të rasteve, qeveria ruse ka vendosur që t’i largojë disa masa të kufizimeve.
Rusia është në mesin e tri vendeve me numrin më të lartë të rasteve me Covid-19 në botë, pas Shteteve të Bashkuara dhe Brazilit, por ka dukshëm më pak viktima se këto dy vende.
