Protestat në Londër, demonstruesit përleshen me policinë - Bota Sot
Protestat në Londër, demonstruesit përleshen me policinë

Evropë

Protestat në Londër, demonstruesit përleshen me policinë

Më: 13 qershor 2020 Në ora: 18:22
Foto

Policia u përball edhe me sulme gjatë konfrontimeve me demonstruesit në Londër, ku qindra u mblodhën me gjithë paralajmërimet për të shmangur protestat.

Sipas BBC, grupe të shumta u mblodhën në qendër të kryeqytetit, duke pretenduar se po mbronin statujat nga aktivistët anti-racizëm.

Sekretari i Brendshëm, Priti Patel, e përshkroi dhunën si “një sulm tërësisht të papranueshëm”.

Disa demonstrata anti-racizëm janë zhvilluar gjithashtu në të gjithë Mbretërinë e Bashkuar, përfshirë në Londrën qendrore.

Ndërkohë Policia metropolitane kishte vendosur kufizime për disa grupe që synonin të protestonin, pas skenave të dhunshme fundjavën e kaluar.

Po sipas medieve, grupe të ndryshme nga e gjithë vendi, përfshirë aktivistë të krahut të djathtë, thanë se kishin ardhur në Londër për të mbrojtur simbolet e historisë britanike. 

Shfaq komentet
comments powered by Disqus
Sot mund të lexoni Shfletoni kopertinat