Protestuesit sërish futen në Kuvendin e Serbisë - Bota Sot
Protestuesit sërish futen në Kuvendin e Serbisë

Evropë

Protestuesit sërish futen në Kuvendin e Serbisë

Më: 10 korrik 2020 Në ora: 23:39
Protestuesit në Kuvendin e Serbisë

Edhe sonte po protestohet në Beograd, ndërsa protestuesit ia kanë dalë të futen në objektin e Kuvendit të Serbisë. Këtë e ka bërë të ditur sajti “nova.rs”.

Protestuesit ishin futur në Kuvend edhe të martën mbrëma, kur u mbajt protesta e parë. Protesta e dhunshme ka vazhduar edhe të mërkurën kurse të enjten ishte qetë.

Disa media serbe raportojnë se po protestohet ndaj regjimit të presidentit të Serbisë, Aleksandar Vuçiq, e disa ndaj masave të paralajmëruara në luftë ndaj COVID-19.

Një grup prej dhjetëra protestuesve kanë larguar rrethojën para hyrjes në Kuvendin e Serbisë, të premten. Më pas janë futur në ndërtesë. Po hedhen edhe mjete piroteknike, ndërsa sipas raportimeve, protesta po del prej kontrollit.

Po ashtu po kërcënohen gazetarët dhe fotoreporterët.

Sajti “b92.net” ka shkruar se demonstruesit po hedhin gurë në drejtim të policisë. Ka pak policë para objektit të Kuvendit, por edhe numri i protestuesve është më i vogël. Në drejtim të policisë janë hedhur edhe fishekzjarrë. Është raportuar edhe për një protestues të therur me thikë.

Shfaq komentet
comments powered by Disqus
Sot mund të lexoni Shfletoni kopertinat