Pasi kaloi aq shumë sa 65 orë nën rrënoja, vajza tre-vjeçare Elif Perinçek u shpëtua dhe u tërhoq në vend të sigurt, e fund të lumtur pati edhe 14-vjeçarja İdil Şirin pas agonisë së saj 58-orëshe. Ekipet e shpëtimit në qytetin turk të Izmirit, të goditur rëndë nga një tërmet me magnitudë 7.0, i çuan në ambulancë me duartrokitje dhe brohoritje.
Dy motrat dhe vëllai i vajzës Elif u shpëtuan të shtunën së bashku me nënën e tyre, por një fëmijë më vonë vdiq.
"Faleminderit një mijë herë, Zoti im. Ne e nxorëm Elifin tonë të vogël nga blloku i apartamenteve," shkroi në Twitter Mehmet Güllüoğlu, kreu i agjencisë qeveritare të katastrofave (AFAD).
Duke iu drejtuar medias pas operacionit të shpëtimit të Elifit trevjeçar, zjarrfikësi Muammer Çelik ndau momente emocionuese dhe tha, "Elifi ma kapi gishtin. Ia pastrova fytyrën nga pluhuri." Ai e nxori atë nga rrënojat me një bashkëpunëtor dhe shtoi se vajza nuk e lëshoi gishtin derisa arritën në çadrën e ndihmës së parë, raporton Hurriyet Daily News.
Umudun Fotoğrafı ❤️#Elifperincek pic.twitter.com/p7MMiga9J5
— Reşit Öztürk (@ozturkresit) November 2, 2020
Zjarrfikësit, thotë ai, kurrë nuk e humbin shpresën. "Asnjëherë nuk e humbëm shpresën për Elifin," përfundoi ai.
Më parë, ekipet e kërkimit dhe shpëtimit nxorrën 70-vjeçarin Ahmet Citim, i cili ishte varrosur nën rrënoja për 34 orë. Ai u shpëtua në mes të natës dhe më vonë u filmua në spital me Ministrin e Shëndetësisë Fahrettin Koc, i cili postoi në Twitter se gjendja e tij po përmirësohej.
Citim ishte bllokuar në një ndërtesë tetëkatëshe, dhe 16-vjeçarja Inci Okan dhe qeni i saj u shpëtuan nga e njëjta gërmadhë. Ata ishin nën rrënoja për 17 orë.
"Babai im, për fat të mirë, nuk ishte në shtëpi, ai nuk do të mund të qëndronte këtu. Unë jam i shkurtër kështu që u shtrëngova dhe kështu u shpëtova", tha vajza, raporton The Sun.
58. saatin mucizesi İdil Şirin. ❤️ pic.twitter.com/ZzQdgCs1bE
— Dr. Raşit Dinç (@RasitDinc) November 1, 2020
Izmiri, një qytet në bregdetin e Egjeut, mbajti barrën e shkatërrimit, ndtërsa ë paktën 20 ndërtesa u shembën. Zona bregdetare, pas një tërmeti të fortë, u godit nga një cunami më i vogël. Deri më tani, Agjencia Turke e Menaxhimit të Fatkeqësive dhe Emergjencave (AFAD) ka shpëtuar 106 njerëz nga rrënojat. Kërkimi dhe shpëtimi vazhdon. Më shumë se 3,500 çadra dhe 13,000 shtretër janë në dispozicion për të mbijetuarit si një strehë e përkohshme, sipas AFAD-it, i cili tha se 962 njerëz u plagosën në tërmetin e së premtes. Më shumë se 740 viktima janë lëshuar nga spitali deri më tani.
İnci'yi bekliyoruz... Az kaldı İnci dayan?? #inciokan #izmirdeprem pic.twitter.com/ykVGabH3Nx
— Buse Erten (@patilihanim) October 31, 2020
Turqia është ndër zonat më aktive sizmike në botë sepse ndodhet në disa linja aktive të çarjes. Një tërmet që tronditi zonën të premten (30 tetor) vrau të paktën 81 vetë, dy prej tyre adoleshentë nga ishulli grek i Samos. Ishte tërmeti më vdekjeprurës në Turqi që nga ai që goditi qytetin lindor të Vanit në 2011, duke vrarë më shumë se 500 njerëz. Një tërmet në janar të këtij viti vrau 41 vetë në provincën lindore të Elazig.
