Sllovakia, krizë në sistemin shëndetësor, tejmbushen spitalet

Evropë

Sllovakia, krizë në sistemin shëndetësor, tejmbushen spitalet

Më: 3 mars 2021 Në ora: 16:13
Ilustrim

Situata në Sllovaki orë pas ore po bëhet edhe më dramatike, ku mjekët dhe infermierët janë të mbingarkuar në një përpjekje për të shpëtuar jetën e njerëzve të infektuar me koronavirus. Në spitalin Covid të Galanta-s, një qytet në pjesën perëndimore të vendit, pranohen pacientë nga një rreze prej 100 km. Këto ditë, përveç repartit pediatrik, i gjithë spitali është i përkushtuar në mënyrë unike për të përballuar situatën e pandemisë.

Personat të cilët gjenden në kushte të rënda pranohen në njësinë e kujdesit intensiv, një repart i sapo ndërtuar falë fondeve të BE, zonë në të cilën rregullat janë të rrepta.

Të gjithë pacientët në pavion kanë nevojë për ventilator dhe përkundër punës së madhe të infermierëve dhe mjekëve, 60% e tyre nuk arrijnë të shpëtojnë.

Në javët e fundit, mosha mesatare e pacientëve ka rënë, shumë prej tyre mbërrijnë në gjendje kritike. Sllovakia ka pasur normën më të keqe të vdekjes nga Covid-19 në botë gjatë javës së fundit, lufta e vazhdueshme për jetën e pacientëve rëndon edhe tek personeli.

Shfaq komentet
comments powered by Disqus
Sot mund të lexoni Shfletoni kopertinat