Ne nuk e dimë sa kohë do të zgjasë COVID-19, paralajmëron kryeministri italian

Evropë

Ne nuk e dimë sa kohë do të zgjasë COVID-19, paralajmëron kryeministri italian

Më: 21 prill 2021 Në ora: 10:33
Mario Draghi

Kryeministri italian Mario Draghi tha të martën se urgjenca në raport me COVID-19 ka theksuar nevojën për të menduar për një kohë të gjatë dhe për të investuar në sektorin e shëndetësisë.

“Pandemia aktuale na detyron të jemi më të përgatitur për të ardhmen”, ka thënë Draghi ndërsa mori pjesë në një uebinar me presidenten e Komisionit Evropian, Ursula Von der Leyen, për të dëgjuar përfaqësuesit e shoqërisë civile përpara Samitit Global të Shëndetit në Romë më 21 maj.

“Puna jonë duhet të fillojë tani sepse nuk e dimë sa do të zgjasë kjo pandemi ose kur do të godasë tjetra”, ka thënë më tej ai.

“Ne duhet të mbështesim kërkimin, të forcojmë zinxhirët e furnizimit dhe të ristrukturojmë sistemet shëndetësore kombëtare”.

“Ne duhet të forcojmë koordinimin dhe bashkëpunimin global”, citohet të ketë thënë ndër tjerash Draghi. 

Shfaq komentet
comments powered by Disqus
Sot mund të lexoni Shfletoni kopertinat