Gjatë 24 orëve të fundit Mbretëria e Bashkuar ka regjistruar 1 mijë e 770 raste të reja dhe dy viktima nga COVID-19.
Sipas të dhënave të fundi mbi 35.37 milionë njerëz, ose 67.2 përqind e popullsisë së rritur në Mbretërinë e Bashkuar tashmë kanë marrë dozën e parë të vaksinës COVID-19.
Prej tyre, 17.67 milionë, ose 33.5 përqind e të rriturve, kanë marrë dy dozat e rekomanduara.
Që nga fillimi i pandemisë e deri tani 127 mijë e 605 njerëz kanë vdekur nga ky virus në Mbretërinë e Bashkuar.
Vendi përjetoi një valë të dytë të COVID-19 që arriti kulmin në fund të janarit, por numri i infeksioneve të reja, shtrimet në spital dhe vdekjet kanë rënë që prej asaj kohe.
Kjo i është atribuar pjesërisht ndikimit të programit të vaksinimit masiv, dhe pjesërisht masave të rrepta të bllokimit që ishin në fuqi nga janari deri në mars dhe janë lehtësuar vetëm gradualisht.