Forcat ruse ndoshta kanë marrë disa gërvishtje, por nuk janë aspak poshtë për të regjistrue në Ukrainë, paralajmëron kreu i komitetit ushtarak të NATO-s, admirali Rob Bauer.
“Nuk duhet të nënvlerësojmë kurrë rusët dhe aftësinë e tyre për të luftuar”, thotë Bauer.
Të hënën, admirali holandez prezantoi një rinovim gjithëpërfshirës të planeve ushtarake të NATO-s, kur liderët e vendeve të NATO-s, të udhëhequr nga presidenti Joe Biden, pritet të miratojnë vendimet gjatë samitit në Vilnius, javën e ardhshme.
NATO nuk është e përfshirë drejtpërdrejt në luftë, por furnizon Ukrainën me sasi të mëdha armësh dhe gjithashtu ndërton forcat e veta në vendet fqinje të Rusisë.
-Rreth 40,000 ushtarë janë tani në gatishmëri nga Estonia në veri në Rumani pranë Detit të Zi. Rreth 100 avionë të NATO-s janë në ajër çdo ditë dhe 27 anije detare operojnë në Detin Baltik dhe Detin e Zi. Numri pritet të rritet.
Me planin e saj të ri, NATO synon të vendosë deri në 300,000 ushtarë në krahun lindor brenda 30 ditëve. Plani e ndan zonën në tre - Zonat Veriore dhe Oqeanin Atlantik, një zonë në veri të Alpeve dhe një zonë të tretë në Evropën Jugore.
Dihet mirëfilli se armata ruse, që nga fillimi i okupimit të Ukrainës ka pësuar humbje, por, jo marina dhe forcat ajrore, thotë ai.
94 për qind e forcave tokësore të Rusisë tani janë të përfshira në Ukrainë, sipas Bauer.
Në përgjithësi, ne shohim se rusët janë të kujdesshëm rreth NATO-s. Ata nuk duan konflikt me NATO-n. Mendoj se kjo është një shenjë, se ata janë shumë, shumë të zënë, thotë ai.
“Në terren, nuk mendoj se ata kanë forcën për të bërë më shumë diku tjetër”, shton Bauer.
Por ne jemi të bindur se rusët do të ngrihen përsëri. Ne do t'i shohim ende si një kërcënim serioz. Në det dhe veçanërisht në ajër dhe hapësirë, ata janë ende shumë, shumë të aftë!
Sigurisht që janë, kur bëhet fjalë edhe për armët bërthamore, thotë Bauer.
