Presidenti francez Emmanuel Macron ka thënë se ambasadori i Francës dhe stafi i saj diplomatik në kryeqytetin e Nigerit do të evakuohen në Francë në orët e ardhshme, ndërsa trupat e vendit do të largohen në javët dhe muajt e ardhshëm.
“Prania ushtarake franceze do të përfundojë deri në fund të këtij viti”, ka thënë tha ai, duke shtuar se bashkëpunimi ushtarak me vendin kishte “mbaruar”, shkruajnë mediat e huaja.
“Në javët dhe muajt në vijim do të konsultohemi me puçistët, sepse duam që kjo të bëhet në mënyrë paqësore”, shtoi ai.
Ndryshe, Franca mban rreth 1500 ushtarë në Niger.
Udhëheqësit ushtarakë të Nigerit i thanë ambasadorit francez Sylvain Itte se duhej të largohej nga vendi pasi përmbysën presidentin Mohamed Bazoum më 26 korrik.
Por një ultimatum 48-orësh për largimin e tij, i lëshuar në gusht, kaloi me të ende në vend pasi qeveria franceze refuzoi të pajtohej ose të njihte junta-n ushtarake si legjitime.
Macron në intervistë ripohoi qëndrimin e Francës se Bazoum po mbahej “peng” dhe mbeti “autoriteti i vetëm legjitim” në vend.
