Një pasagjer aeroplani u largua dhunshëm nga policia, pasi një fluturim nga Lutoni drejt Lanzarotet u devijua për në Portugali shkaku i sjelljes së tij.
Burri i cili mendohet të jetë britanik, bashkë me një grup tjetër personash thuhet të kishin qenë nën ndikimin e alkoolit, gjë që i ka bërë të ngacmojnë disa pasagjere gra.
Kur piloti është informuar për sjelljet e pahijshme të tyre, ai ka njoftuar se aeroplani do të drejtohej për një ulje të parakohshme në Portugali, raporton dailymail.
Në momentin e aterimit policia menjëherë ka intervenuar duke i arrestuar burrat që akuzoheshin për sjellje të pahijshme. Një nga ta ka rezistuar duke e detyruar policinë portugeze ta tërhiqnin zvarrë nga aeroplani.
Nga pamjet e shpërndara në rrjete sociale, dëgjohen udhëtarët e tjerë teksa e inkurajojnë dhe e duartrokasin policinë për aksionin e menjëhershëm.
Pasagjerët kanë pranuar një email nga agjencia e fluturimeve ku shkruhej se u “kërkojmë falje që fluturimi juaj nga Luton në Lanzarote u devijua papritur në Faro. Kur detyrohemi të devijojmë një fluturim, ne fillojmë menjëherë të planifikojmë udhëtimin tuaj të mëtejshëm nga aeroporti ku jeni devijuar.
Nëse fluturimi juaj devijohet dhe është planifikuar të vazhdojë nga diku tjetër, ne do të punojmë që kjo vonesë të jetë sa më minimale”.
Shocking moment Ryanair holidaymaker is dragged off the flight in a headlock by police .. A holidaymaker was today grappled into a headlock and violently marched off a Ryanair flight by police after a Luton to Lanzarote flight was diverted to Portugal because
— Martha (@MGonigle) January 19, 2024
of his behaviour .. pic.twitter.com/D4Wl2NSD5f
