Kancelarja gjermane Angela Merkel do të fillojë sot një vizitë në Senegal, e para e një turneu triditor në Afrikë për çështjen e migracionit të paligjshëm.
Merkel do të takojë presidentin senegalez, Macky Sall në Dakar dhe më pas udhëheqësit e grupeve të shoqërisë civile.
Delegacioni i Merkelit përfshin ekspertë për elektrifikimin, dixhitalizimin, infrastrukturën dhe menaxhimin e energjisë.
Udhëtimi i saj do të përfshijë gjithashtu ndalesat në Gana dhe Nigeri, të enjten dhe të premten.
Kancelarja tha se ishte e interesuar për hapjen e vendeve të punës në tri vendet që do të vizitonte, në mënyrë që të pengojë migrimin drejt Evropës.
