Separatistët në Ukrainë mbajnë zgjedhje - Bota Sot
Separatistët në Ukrainë mbajnë zgjedhje

Evropë

Separatistët në Ukrainë mbajnë zgjedhje

Më: 11 nëntor 2018 Në ora: 09:52
Rajoni Donetsk

Separatistë e mbështetur nga Rusia në lindje të Ukrainës po mbajnë zgjedhje, të cilat po konsiderohen nga Kievi dhe Perëndimi si “të paligjshme”.

Shtetet e Bashkuara dhe Bashkimi Evropian thonë se zgjedhjet e sotme të mbajtura në zonat e kontrolluara nga separatistët në rajonet e Donetskut dhe Luhanskut do të pengojnë edhe më tej përpjekjet për t’i dhënë fund konfliktit që ka vrarë më shumë se 10,300 persona, që prej prillit të vitit 2014. Presidenti ukrainas, Petro Poroshenko tha se zgjedhjet “paraqesin edhe një shembull tjetër të aktivitetit subversiv rus”.

Moska mohon se zgjedhjet paraqesin shkelje të marrëveshjeve të Minskut, që kanë për qëllim dhënien fund të dhunës.

Kreu i rajonit të Donetskut, Denis Pushilin, 37-vjeç, pritet që të fitojë në zgjedhjet atje.Ndërkaq, në Luhansk, kreu aktual i këtij rajoni, Leonid Pasechnik, po ashtu pritet të fitojë

Që të dy, si Pushilin dhe Pasechnik kanë premtuar se do të kërkojnë lidhje më të ngushta me Moskën.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...