Mesfushori nga Kosova, Ermir Lenjani, ka shënuar golin më të shpejt në kampionatin zviceran. Ai pas 9 sekondash shënoi për epërsinë e Sionit kundër Luzernit, sfidë e cila përfundoi me rezultat 2:2, në kuadër të javës së 28-të. Lenjani realizon golin më të shpejt, pa dyshim se ka çuar në këmbë dashamirët e futbollit zviceran. Ai bëri lojë shumë të mirë së bashku me Pajtim Kasamin, kurse për Luzernin luajti standard Idriz Voca dhe Shkëlqim Demhasaj nga minuta e 77-të.
Për Sionin shënuan Ermir Lenjani në sekondën e 9-të, Uldrikis (64') dhe për mysafirët Vargas (9') e Eleke (62'). Ermir Lenjani luajti deri në minutën e 81-të dhe Pajtim Kasami u zëvendësua në minutën e 58-të. Sion është në pozitën e katërt me 36 pikë dhe Luzern i shtati me 34. Baseli si vendas barazoi 1:1 me Luganon.
Taulant Xhaka u ndëshkua me karton të verdhë në minutën e 24-të. Taulant Xhaka u ndëshkua me karton të verdhë në minutën e 24-të. Xhaka dhe Albian Ajeti luajtën titullarë dhe Edon Zhegrova u fut në lojë në minutën e 83-të në barazimin e Baselit, kurse sulmuesi i kombëtares së Shqipërisë, Armando Sadiku është më i merituari për pikën e Luganos. Armando Sadiku i surprizoi të gjithë me supergolin e realizuar nga afro 35 metra. Sadiku futet në lojë në minutën e 46-të, ndërsa shënoi në atë të 67-tën për 0:1, por Suchy në minutën e 75-të shpëtoi nga humbja Baselin, duke barazuar rezultatin 1:1. Baseli mban pozitën e dytë me 52 pikë, kurse Lugano është i 8-ti me 33.
Liga e Zvicrës
Baseli-Lugano 1:1
Sion-Luzern 2:2
Young Boys-Thun 5:1
Grasshoppers-Zurich 1:1
Xamax-St. Gallen 0:1
Tabela
1. Young Boys 27 23 3 1 72
2. Basel 28 14 10 4 52
3. Thun 28 10 8 10 38
4. Sion 28 10 6 12 36
5. St. Gallen 28 10 5 13 35
6. Zurich 28 8 10 10 34
7. Luzern 27 10 4 13 34
8. Lugano 28 7 12 9 33
9. Xamax 28 6 8 14 26
10. Grasshoppers 28 5 6 17 21
