Reprezentuesi i Republikës Dominikane nuk planifikon të largohet nga madrilenët.
Mariano Diaz në verën e shkuar iu bashkua Real Madridit nga Lyoni, por ndonëse pritej më shumë nga ai, lëndimet dhe forma jo e mirë ia pamundësuan të tregonte talentin e tij.
Ndonëse te Reali pritet të transferohet sulmuesi Luka Joviq nga Eintracht Frankfurti, Diaz nuk e ka ndërmend të largohet dhe dëshiron të luajë të paktën edhe një vit në Madrid.
“Jam shumë i lumtur që kam realizuar dy gola ndaj Villarrealit, e sidomos për faktin që luanim para tifozëve tanë”, theksoi Diaz.
“Tifozët dhe bashkëlojtarët më kanë pritur shumë mirë për rikthimin tim në fushë”.
“Nuk e di se çka na pret në të ardhmen, por unë dua të qëndroj dhe të fitoj këtu”, tha ai.
