Sulmuesi me origjinë shqiptare, por që luan për kombëtaren greke, Fiorin Durmishaj, është vetëm një hap larg klubit të madh grek Olimpiakosit.
Siç raporton “gazzetta.gr”, mbetet vetëm zyrtarizimi nga ana e klubit, që Durmishaj të quhet një lojtar i pireotëve. Shqiptari kaloi ditën e djeshme vizitat mjekësore, në ambientet e Olimpiakosit dhe u mbyllën detajet e fundit në kontratat e tyre.
Tashmë lojtari do të shijojë disa ditë pushime, pasi ishte i grumbulluar me Greqinë dhe do të nisë fazën përgatitore me Olimpiakosin.
Kujtojmë që sulmuesi 22-vjeçar, në 33 ndeshje të këtij sezoni shënoi 11 gola dhe dhuroi 1 asistime.
