Barcelona mund të krijojë sezonin e ardhshëm një repart sulmues të frikshëm. Përveç këmbënguljes për yllin e Interit Lautaro Martinez, klubi katalanas mund të marrë gjatë janarit sulmuesin dhe kapitenin e Arsenalit Pier-Emerik Obamejang.
Është media britanike “Daily Express” që zbulon se Arsenali mund të pranojë të shesë futbollistin nga Gaboni te Barcelona.
Obamejang kërkon rritje page për të vazhduar aventurën e tij në Londër, por drejtuesit e “Topçinjve” hezitojnë të përmbushin kërkesën e ish-futbollistit të Borusia Dortmundit dhe në rastin më të mirë do të pranojnë ta shesin atë.
Obamejang shihet dhe si prioritet i Interit për të plotësuar repartin sulmues, gjithmonë nëse pranon të sakrifikojë Lautaron.
