Planet për rifillimin e futbollit duket sikur nuk po pëlqehen nga të gjithë.
Testet për koronavirusin janë pjesa kryesore për rifillimin e Premierligës, por trajneri i Chelsea ka disa kritika lidhur me këtë.
Trajneri Frank Lampard ka insistuar se nuk është mirë që lojtarët të testohen për Covid-19, para punëtorëve kyç.
“Ideja për sigurinë dhe shëndetin e lojtarëve është e mirë. Shteti ka praktikuar distancën sociale aq mirë dhe fakti që ne luajmë këtë sport me kontakte dhe që jemi të vendosur të shohim për një formë eskapiste, nuk na lejon shumë mundësi për të mos i rrezikuar ata”, ka thënë Lampard.
“Problemi tjetër është kur flasim për testimet që do të duhet t’i bëjmë. Ne me gjasë kemi 70-80% të stafi në Cobham, minimum, nëse duam të rifillojmë. Nëse do t’i testojmë rregullisht, do të jetë mirë”, ka shtuar trajneri.
“Por ku shohim rreth botës – dhe nuk i di numrat e sakt të testimeve për punëtorët e NHS dhe punëtorët kujdestarë, këta njerëz që po bëjnë role të jashtëzakonshme gjatë dy muajve të fundit ose më shumë – nuk mendoj se do të duket mirë, jo vetëm për mua, por për askënd, nëse nuk sigurohemi që njerëzit që testohen janë në vijë të parë”, shtoi anglezi.
Mbetet të shihet nëse deklarat e trajnerit të Chelsea, Frank Lampard, do të nxisin reagime të tjera.
