Të jesh veprimtar politik, veprimtar i arsimit apo sportiv në vitet e 90-ta, ka qenë sikur të jesh në vijën e parë të frontit kundër pushtuesit serb.
Një personalitet që nuk harrohet, një ushtar i sportit, një gazetar i shquar sportiv është edhe Blerim Vula.
Vula i takon Gjeneratës së Republikës. Një veprimtar i shquar sportiv dhe gazetar sportiv që gjithnjë ka qenë në shërbim të sportistëve, duke informuar opinionin në ato kushte e rrethana të tmerrshme (1991-1999), po ashtu ka qenë edhe në presion dhe i kërcënuar nga UDB-ja serbe.
Shkrimet e Vulës në atëkohë, ishin sikur plumb në ballë për regjimin kriminal serb, sepse përveç që shkruante për sportin e Kosovës edhe për Kampionatin e Shqipërisë në futboll, duke i paraqitur në gazetën e asaj kohe "Bujku".
Vula kreu misionin e tij në shërbim të shtetit, duke sakrifikuar gjithçka, në veçanti ka qenë në vijë të parë të frontit sportiv.
Në vitet e pasluftës, në periudhën 2004-2006 ka qenë edhe sekretar i përgjithshëm në Federatën e Futbollit të Kosovës, në kohën kur ishte kryetar Sabri Hashani.
Vula sot është i lumtur që Kosova është shtet i njohur ndërkombëtarisht dhe sporti frymon lirshëm e zhvillohet në stadiume dhe palestrat sportive.
