Sot do të zhvillohen katër takime të Kategorisë së Parë.
Me fillim nga ora 17:00 do të luhet finalja e madhe e Kategorisë së Parë që do të përcaktojë dhe fituesen të këtij edicioni.
Në stadiumin “Elbasan Arena”, do të zhvillohet sfida Dinamo-Egnatia, e cila pritet të jetë një ndeshje e luftuar për të triumfuar dhe shpallur si kampione e Kategorisë së Parë.
Me fillim nga ora 15:00 do të luhen tre takime. Në zonën “Play Out” të Grupit A do të luajnë Oriku-Partizani B dhe Erzeni-Veleçiku. Ndërsa në fazën “Play Out” të Grupit B do të luajë Elbasani-Flamurtari e cila do të zhvillohet në stadiumin e qytetit të Peqinit.