Raxha Naingolan i cili la Interin pas 3 vitesh, rikthehet në vendin e tij të lindjes në Belgjikë për të luajtur futboll. Ish-mesfushori i Interit, Romës dhe Kaljarit është rikthyer në Belgjikë pas 16 vitesh, teksa pas vizitave mjekësore dhe përpara se të firmosë me Antuerpin, klubin e tij të ri ka dhënë një prononcim për mikrofonat e “Sporza” duke deklaruar se është bukur të rikthehesh sërish në shtëpi:
“Është bukur të rikthehesh këtu. Kam zgjedhur Antuerpin sepse presidenti më ka dëshiruar shumë.
E kaluara në tek të rinjtë rival të Bershotit? Jam rritur tek të rinjtë e tyre dhe do t’i jep mirënjohës përjetë, por në karrierë duhet të marrësh dhe vendime të tjera.
Zgjedhja ime nuk është e atyre të Bershotit, por është vetëm e imja. Isha larg shtëpisë prej 16 vitesh dhe tani jam i lumtur që jam rikthyer mbi të gjitha tek Antuerpi. Ambiciet për titullin? Këtu ka një projekt dhe unë jam besimplotë.”, përfundoi Naingolan.