Trajneri i Dukagjinit, Armend Dallku është deklaruar pas barazimit me Gjilanin.
Dukagjini barazoi pa gola në udhëtim te Gjilani.
Pas ndeshjes, Dallku u shpreh se kanë mundur të fitojnë tre pikë, derisa ka pasur vërejte edhe për arbitrit.
“Në bazë të asaj që u krijua brenda lojës, mund të merrnim edhe tre pikë, jam i kënaqur me lojtarët dhe luftën brenda fushës”.
“I kanë kryer detyrat ashtu siç jemi marrë vesh, por po bëhemi pak nervoz, ndaj Ballkanit një lojtar i yni u ndëshkua me të kuq, edhe sot po ashtu është bërë një karton i kuq. Për mendimin tim nuk ishte as faull, as karton i kuq. Arbitrit duhet të kenë kujdes, duhet të pajtohemi, nuk po ankohemi, vetëm të kenë kujdes pak më tepër”.
Ndërkohë, Dukagjini pas tre ndeshjeve të para, zë pozitën e shtatë me dy pikë.