Lille do të dalë në fushë të martën në Kupën e Francës ndaj Lens, por infeksionet nga Covid po alarmojnë ekipin.
Sipas raportimeve nga edicioni online i L’Equipe, në fakt, janë 4 futbollistë pozitivë me koronavirus: Jonathan David, Isaac Lihadji (i pa vaksinuar), Domagoj Bradaric dhe një tjetër emri i të cilit nuk dihet…
Por, nuk është vetëm Lille skuadra që vuan nga koronavirusi dhe infektimet…
Shtatë lojtarë të Monacos rezultuan pozitivë me Coronavirus, duke e çuar totalin në 16 në skuadër.
Klubi e zyrtarizoi në prag të ndeshjes së Kupës së Francës kundër Quevilly-Rouen të divizionit të dytë, që duhet të luhet nesër (ora 18.30).
Monaco tha se asnjë nga shtatë lojtarët nuk ka simptoma shqetësuese.
