Barcelona barazon në derbin e qytetit. Espanyol si vendas ka barazuar me rezultat 2:2 kundër Barcelonës në ndeshjen e javës së 24-të të kampionatit spanjoll.
Reprezentuesi i Shqipërisë, Keidi Bare, u paraqit nga minuta e parë duke u angazhuar deri në pikën e fundit, për këtë pikë që peshon shumë.
Darder në minutën e 40-të e de Tomas në atë të 64-tën shënuan për Espanyolin dhe Pedri në minutën e 2-të e de Jong në atë të 90+6 për Barcelonën.
Bare u ndëshkua me karton të verdhë në minutën e 23-të dhe u zëvendësua në atë të 62-tën.
Melamed i Espanyolit dhe Pique i Barcelonës, u përjashtuan me karton të kuq pas dy të verdhëve në minutën e 90+3.
Barcelona renditet në vend të katërt me 39 pikë e Espanyoli është i 13-ti me 28 sosh.
