BKT Superliga e Kosovës vazhdon këtë fundjavë me ndeshjet e xhiros së 30-të që janë në program për tu zhvilluar.
Tri ndeshje do të zhvillohen ditën e shtunë e dy të tjera janë në program për të dielën.
Tanimë janë deleguar edhe gjyqtarët e kësaj xhiro, ku Genc Nuza do ta gjykojë kryendeshjen e javës mes Dukagjinit dhe Gjilanit.
Drita pret Malishevën në Gjilan ku ky takim drejtohet nga Besfort Kasumi, derisa lideri Ballkani luan në udhëtim te Ulpiana e Llapi përballet me Feronikelin në Drenas po të shtunën.
Takimi tjetër i ditës së diel zhvillohet në kryeqytet mes Prishtinës dhe Drenicës.
