Ka përfunduar ndeshja kontrolluese e zhvilluar në Ohër në mes të Ballkanit dhe Llapit.
Dueli i ka takuar suharekasve, të cilët shënuan fitore me rezultat minimal 1-0.
Ndeshja ishte e baraspeshuar pothuajshe gjatë gjithë kohës, por mjaftoi një gabim në mbrojtjen e Llapit, ku në minutën e 70-të pësuan gol.
Golin e fitores për kampionët e Superligës e realizoi sulmuesi, Albion Rrahmani.
Të dyja skuadrat po qëndrojnë në Ohër në fazën përgatitore.
Ballkani do të luajë në raundin e parë të Ligës së Kampionëve, ndërsa Llapi në raundin e parë të Ligës së Konferencës.
