Barcelona e ka “shkatërruar” Inter Miamin, të cilin e mposhti me rezultat të thellë, 6:0, në miqësoren e zhvilluar në Shtetet e Bashkuara të Amerikës.
“Blaugrana” i realizuan nga tre gola në secilën pjesë për ta mundur bindshëm ekipin amerikan, pronar i së cilit është legjenda angleze, David Beckham.
Serinë e golave për gjigantin katalunas e hapi Aubameyang, ndërsa shënoi edhe përforcimi i ri, Raphinha, që e gjeti golin e parë në fanellën e Barçës.
Në listën e realizatorëve u shtua edhe Ansu Fati, i cili po e rimerr veten pas lëndimit që e kishte lënë jashtë fushës së blertë për një kohë të gjatë.
