Manchester United thuhet se është i bindur se Barcelona po përpiqet të rrisë çmimin për Frenkie de Jong. Mesfushori holandez është një objektiv afatgjatë për Djajtë e Kuq pasi ata u përpoqën ta nënshkruajnë atë gjatë merkatos së verës.
Presidenti i Barcelona-s, Joan Laporta, ka thënë se De Jong është “nuk shitet”, sipas Sport. Por raporti sugjeron se është një taktikë për të rritur çmimin e tij përpara një shitje të mundshme të lojtarit.
Këtë sezon, mesfushori ka bërë 17 paraqitje për Barcelona-n, duke shënuar dy herë dhe duke dhënë dy asiste. De Jong besohet se i ka thënë trajnerit të Djajve të Kuq, Erik ten Hag se ishte i lumtur që do të transferohej në Old Trafford.
Por një lëvizje nuk u realizua gjatë verës pasi 25-vjeçari refuzoi të largohej nga klubi për shkak të pagave të tij të pashlyera. De Jong bëri një ulje të pagës për të ndihmuar krizën financiare të Barcelona-s dhe atij i detyrohen ende 19 milionë euro nga klubi i La Liga-s.
Në verë, United ishte i gatshëm të paguante deri në 67 milionë euro për mesfushorin, por pasi dështuan ta merrnin, ata zgjodhën yllin e Real Madridit, Casemiro.
Megjithatë, mendohet se United është ende shumë i interesuar për nënshkrimin e holandezit. Ata thuhet se duan ta bashkojnë atë me yllin e Borussia Dortmund dhe Anglisë, Jude Bellingham.
Dy operacione që do të kishin një kosto marramendëse prej plot 226 milionë eruosh. Megjithatë, të dyja blerjet ka më shumë mundësi të realizohen në merkaton e verës së ardhshme.
