Amir Rrahmani do të vijojë të jetë pjesë e Napolit. Paraqitjet e tij të mira nën drejtimin e Luciano Spallettit duket se kanë bindur drejtuesit e klubit që t’i besojnë Rrahmanit të ardhmen e mbrojtjes së skuadrës.
Mbrojtësi i Kombëtares së Kosovës pritet të rinovojë kontratën deri në vitin 2027.
Në stadium në sfidën Inter-Napoli ndodhet edhe agjenti i mbrojtësit, Ardian Aliaj i cili do të takohet me drejtuesit e kaltër për të diskutuar detajet e fundit të marrëveshjes.
Sa i përket pagës së lojtarit, Rrahmani pritet të përfitojë nga kontrata e re rreth 2.6 milionë euro në sezon.
Kontrata aktuale e mbrojtësit të Kosovës skadon në qershor të viti 2024.
