Tekniku i Arsenalit, Mikel Arteta, shijoi pasditen e përsosur të së dielës, pasi skuadra e tij përfundoi gjysmën e parë të sezonit të tyre në Premier League duke arritur në 50 pikë me një fitore 3-2 ndaj Manchester United.
Dy gola nga Nketiah dhe një nga Saka, të dy produkte të akademisë së Arsenalit, vulosën fitoren që e ngriti Arsenalin pesë pikë para Manchester Cityt. Është fillimi i tyre më i mirë ndonjëherë në një sezon në Premier League dhe ndërsa ka një rrugë të gjatë për të bërë, skuadra e Artetës po rritet në besimin se ata mund të qëndrojnë në krye. Nuk është çudi që spanjolli tha se nuk bëhet shumë më mirë se kaq, pasi vlerësoi një fitore të merituar ndaj një skuadre të fortë si Manchester United.
“Emocional, shumë pasion, shumë cilësi. Nuk bëhet shumë më mirë se kaq. Pas derbit kundër Tottenham, të vij kundër Manchester United dhe të luajmë në këtë mënyrë që luajtëm. Në pjesën e dytë performanca ishte e pabesueshme”, tha Arteta.
“Ne ishim të kompozuar dhe të vendosur në të njëjtën kohë. I menaxhuam momentet në lojë. Nuk na kapi asnjëherë paniku. Gjithmonë kemi besuar se mund ta fitonim. Treguam qetësinë e duhur në zonë shumë herë, por topi nuk hyri brenda”, përfundoi Arteta.
