Disa lojtarë janë ende në nivele të larta në moshën 38-vjeçare, legjenda Wesley Sneijder është pensionuar prej disa kohësh nga futbolli dhe është kthyer në opinionist në televizion.
Sneijder shkakton shumë herë polemika me deklaratat e tij.
Kështu ndodhi edhe të premten në mbrëmje kur ishte i ftuar në një emision në Holandë. Mesfushori i kushtoi vëmendje të veçantë ngjarjeve në Ajax, që është shumë larg majës në Eredivisie dhe fitimi i titullit është thjesht një ëndërr.
I pyetur se çfarë do të bënte nëse do të ndryshonte diçka te Ajax, Sneijder tha pa menduar se fillimisht do të largonte Dushan Tadiqin, i cili është kapiten i ekipit, por edhe i kombëtares serbe.
“Së pari duhet të largoni Tadiqin.
Kjo është gjëja e parë”, tha drejtpërdrejt ish-lojtari i Real Madridit dhe Interit që kishte edhe një gotë birrë pranë vetes.
Sneijder poshtëron kapitenin e Serbisë, duke thënë se nuk e meriton të jetë pjesë e klubit të madh holandez.
