Herdi Prenga ka marrë rolin e një bomberi në ndeshjen e sotme të kampionatit hungarez ku Honvedi i tij përballej me Pushkash Akademi.
Mbrojtësi shqiptar, ka qenë autor i dy golave në takimin e sotëm, duke ndihmuar skuadrën në të dy anët e fushës.
Përtej paraqitjes pozitive në prapavijë, Prenga ka qenë vendimtar në fraksionin e dytë të lojës teksa në minutën e 57 ishte ai i cili vendosi barazimin e përkohshëm me një gol me kokë pas zhvillimit të një goditje nga këndi, duke u treguar i vëmendshëm para portierit për ta shtyrë sferën në rrjetë.
Vetëm 10 minuta më vonë, Prenga tundi përsëri rrjetën me një gjuajtje me kokë, përsëri në vijimin e një këndoreje, teksa u tregua më i aftë në një duel ajror për të siguruar avantazhin për ekipin e tij.
Por ai nuk ishe protagonisti i vetëm i duelit, pasi Albi Doka, i aktivizuar në minutën e 79 të takimit, në minutën e 86 u ndëshkua me karton të kuq, duke lënë ekipin e tij me 10 lojtarë në fundin e ndeshjes.
