Thierry Henry ka zbuluar se Kevin De Bruyne po luan nën ndikimin e disa problemeve personale, pasi dyshja u pa duke ndarë një përqafim emocional pas fitores së Manchester Cityt në gjysmëfinalen e Ligës së Kampionëve kundër Real Madridit.
City e eliminoi Real Madridin me rezultat të përgjithshëm 5:1, me De Bruynen që ishte ndër më të mirët në dy ndeshjet e luajtura.
De Bruyne ka tre fëmijë me gruan e tij Michele Lacroix, e cila e shikoi ndeshjen e mbrëmshme nga tribunat e stadiumit “Etihad”.
Ylli belg e shënoi golin e barazimit në ndeshjen që përfundoi 1:1 në javën e kaluar, para se të asistonte te goli i parë i Bernardo Silvas mbrëmë.
De Bruyne, i cili u zëvendësua në minutën e 84’, u pa duke u përqafuar me ish-ndihmës trajnerin belg Thierry Henry pas një bisede pas ndeshjes.
“Ishte një moment prekës. Nuk mund ta them sepse më duhet ta mbaj atë gjë private. “Por nga ajo që më tha, unë e respektoj edhe më shumë se si luajti sonte dhe si erdhi dhe luftoi me ekipin e tij. Nuk mund ta ndaj atë që tha, sepse nuk mund ta ndaj. Kështu është”, tha Henry.
Siç bëhet e ditur nga “Mail Sport”, City dëshiron ta mbajë rastin privat dhe beson që nuk do të ndikojë në pjesën e mbetur të sezonit.
Përqafimi i De Bruynes me Henryn erdhi pasi që mesfushori belg i tha Guardiolas që ta mbyllte gojën.
