Kombëtarja shqiptare mbrëmë shënoi fitore të rëndësishme kundër Moldavisë me rezultat 2:0.
Njërin nga golat e shënoi Jasir Asani në minutën e 52-të, gol ky që solli gëzim të madh në stadiumin e tejmbushur “Air Albania” në Tiranë.
Në stadium për të ndjekur ndeshjen kishte udhëtuar edhe babai i Jasir Asanit, Fadili nga Batinca e Shkupit.
Ai tregon emocionet e atij supergoli.
“Mu duk si ëndërr. Qava nga gëzimi, sytw mu mbushwn me lot.. Kurrë në jetë nuk kam qenë më i lumtur se mbrëmë kur Jasiri shënoi gol, duke i gëzuar dhe duke i bërë të lumtur miliona shqiptarë”, thotë Fadil Asani për mediumin nga Maqedonia e Veriut "Open-TV".
“Pas ndeshjes vetëm dy minuta kam ndejtur me Jasirin, nuk kishte kohë sepse e ftonin te Kombëtarja”, tregon ai.
Kombëtaraj shqiptare ndeshjen e radhës e luan me Ishujt Faroe si mysafire, ku pritet një fitore e re e kuqezinjve.
