Bojan Zogovic e mbylli me Vllazninë pas tri viteve të kaluara në Shkodër.
Dhe kuqeblutë nuk kanë humbur kohë, duke gjetur në Kategorinë e Parë pasuesin e malazezit.
SuperSport mëson se klubi shkodran ka arritur marrëveshjen me Korabin në lidhje me Avernold Qyranin. “Gardiani” 25-vjeçar ka zhvilluar performanca pozitive me skuadrën dibrane.
Gjirokastriti është pjesë e Korabit prej janarit të vitit 2021. Teksa ishte pjesë e dibranëve edhe në periudhën verë 2018-janar 2019. Më parë ka luajtur me Luftëtarin, Naftëtarin dhe Butrintin.
Vllaznia ka paguar në arkat e Korabit për kartonin e Qyranit, i cili do të rivalizojë me Kristi Qarrin për një fanellë titullari mes shtyllave të skuadrës së Migen Memellit.
