Presidenti i Federatës së Futbollit të Kosovës, Agim Ademi, ka takuar futbollistin Ermal Bojaxhiun.
Talenti i futbollit paraqitet me sukses për skuadrën gjermane Augsburg U19.
“Sonte e vizitova Ermal Bojaxhiun, anëtarin e Kombëtares së Kosovës U-17, i cili aktualisht luan në ekipin e U-19 të FC Augsburg.
Ermali është një futbollist shumë i talentuar, i vlerësuar edhe nga ekspertët tanë të përzgjedhjes së talenteve.
Ai ka marrë pjesë në kampin e organizuar nga Federata e Futbollit të Kosovës në Frankfurt, si dhe ka luajtur për Kosovën U-15 në turneun zhvillimor të UEFA-së në Maqedoninë e Veriut, pas ftesës nga trajneri Ilir Nallbani.
E inkurajova Ermalin që të vazhdojë të punojë fort për të arritur një karrierë të suksesshme dhe për të përfaqësuar Kosovën në nivelet më të larta”, njofton Ademi.