Barcelona nuk do të luajë në Camp Nou në sezonin 2023-24, por në Estadi Olímpic Lluís Companys, i njohur më mirë si Montjuïc, sipas emrit të kodrës ku ndodhet.
Arsyeja? Klubi ka vendosur të bëjë një rimodelim të stadiumit, siç ndodhi me Real Madridin.
Një zgjedhje historike për klubin që do të duhet të qëndrojë larg shtëpisë së tyre për një vit pas ndërtimit të tij në 1957. Një situatë që i shtyu Balugranët të merrnin një vendim të veçantë për fushën e stadiumit historik dhe lidhet me prodhimin e diamanteve.
Barcelona, në marrëveshje me kompaninë Brilianto, ka vendosur të transformojë fushën e Camp Nou në diamante dhe t’i shesë me çmime të ndryshme.
Një linjë bizhuterish ekskluzive me vlera të paçmueshme sentimentale sepse do të prodhohen me barin e ndeshjes së fundit në shtëpi kundër Mallorca-s.
Një koleksion që do të marrë emrin e Etern Spotify Camp Nou 1957, si viti i ndërtimit të impiantit dhe që do të përfshijë prodhimin e 57 prej këtyre diamanteve do të jetë prej një karat (edicion i kufizuar dhe me një çmim të vlerësuar rreth 15 mijë euro) dhe në total do të bëhen 1957 bizhuteri.
Një ide e qëndrueshme duke qenë se prodhimi i këtyre diamanteve do të ketë zero ndikim në mjedis dhe mund të dalë në treg brenda pak javësh.
E njëjta kompani, Brilianto, kishte prodhuar gjithashtu bizhuteritë me flokët e Pele, si dhe një koleksion për 120 vjetorin e Espanyol. Tani edhe Barcelona do të ketë koleksionin e saj.
