Dukagjini ka debutuar me fitore në garat evropiane.
Ekipi nga qyteti i Klinës triumfoi 2:1 në stadiumin “Fadil Vokrri” ndaj ekipit nga Gjibraltari, Europa në rrethin e parë kualifikues të Ligës së Konferencës.
Pas ndeshjes, trajneri i Dukagjinit, Armend Dallku tha se nuk ishte i kënaqur me paraqitjen e skuadrës së tij.
“Nëse them se jam i kënaqur të rrej.
Nuk jam i kënaqur.
Kishim shumë mundësi për ta thelluar rezultatin. Në momentin kur nuk duhej, ne pranuam gol. Ne jemi më lart se kundërshtari, por disa lojtarë nuk ishin në elementin e tyre. I uroj të gjithë adhuruesit e Dukagjinit dhe gjithë Kosovës pår këtë fitore”, tha Dallku pas ndeshjes.
Ndeshja e kthimit do të zhvillohet pas një jave në Gjibraltar.
