Aston Villa është skuadra më e fundit që i është bashkuar garës për shërbimet e mesfushorit të Juventusit Denis Zakaria.
Zvicerani ishte huazuar te Chelsea edicionin e kaluar, por që kishte probleme të vazhdueshme me lëndime.
Pas gjashtë muajve, Zakaria u rikthye te Juventusi të cilët e informuan se mund të largohet sepse nuk është pjesë e projektit.
Sipas “Gazzetta dello Sport”, West Ham deri vonë ishte favorit për blerjen e Zakarias, por tani kësaj gare i është bashkuar edhe Villa.
Trajneri Unai Emery që po vazhdon ta përforcojë klubin anglez ka kërkuar informata për mundësinë e transferimit të zviceranit.
Sidoqoftë, një blerje e mundshme gjithnjë mund të varet nga largimi i mundshëm i mesfushorit Douglas Luiz që kërkohet nga Tottenhami..