Iliman Ndiaye është një tifoz i madh i Olympique Marseille dhe më në fund do të përmbushë ëndrrën e tij për të luajtur me ekipin francez.
Pas një negociate të gjatë, drejtuesit e Marseille arritën të bindnin Sheffield United për të shitur mesfushorin e tyre sulmues për 18 milionë euro.
Lajmi bëhet i ditur nga “Foot Mercato”.
Lojtari i përfaqësueses senegaleze tashmë ka zbarkuar në në Provence, ku është mirëpritur nga mbështetësit e tij të rinj.
Ndiaye, përmes rrjeteve sociale, përshëndeti fansat e klubit ku bënte pjesë, duke u shprehur mirënjohës ndaj tyre dhe gjithë Sheffieldit. Tani e vetmja gjë që mungon është zyrtarizimi, por nuk ka asnjë arsye që marrëveshja të dështojë.