Debutim ëndrrash për Mateo Retegui me Genoa-n.
Sulmuesi i kuqebluve shënoi dy herë në ndeshjen e Coppa Italia kundër Modenas dhe ka gjetur golin pas vetëm 32 sekondash.
Goli i parë zyrtar i numrit 19 ishte prej sulmuesi të vërtetë: ish-lojtari i Tigre përfitoi nga krosimi i Frendrup dhe mundi portierin Gagno në shtyllën e parë me një goditje të bukur me këmbën e djathtë.
Sulmuesi i kombëtares italiane, i paguar më shumë se 15 milionë euro mes pjesës fikse dhe bonuseve, u paraqit menjëherë në mënyrën më të mirë të mundshme para tifozëve të Genoa-s.
Edhe me kombëtaren e Roberto Mancini-t, Mateo Retegui kishte arritur të shënonte gol në debutimin e tij, por me atë rast erdhi disfata 2-1 ndaj Anglisë, në ndeshjen e vlefshme për kualifikueset e EURO 2024 të luajtur në Napoli.
Sulmuesi i dalë nga shkolla e Boca Juniors më pas është përsëritur në ndeshjen e dytë, atë ndaj Maltës dhe ka arritur të lërë menjëherë gjurmë edhe në Kupën e Italisë.
