Kjo ishte përgjigja që trajneri i Liverpoolit, Jurgen Klopp nuk donte të dëgjonte.
Moises Caicedo kishte dërguar një mesazh me tekst duke shpjeguar se, megjithëse e vlerësonte dëshirën e Liverpoolit për ta blerë atë, ai nuk donte të transferohej në “Anfield” dhe po kërkonte t'i bashkohej vetëm Chelseat.
Klopp kishte kontaktuar me mesfushorin për herë të parë disa orë pasi Liverpooli ra dakord për një marrëveshje prej 130 milionë eurosh me Brighton për të nënshkruar me Caicedon vonë në mbrëmjen e 10 gushtit.
Me marrëveshjen mes klubeve veçse të arritur, Klopp u mundua ta bindte Caicedon me një sërë mesazhesh duke e bërë të qartë se sa shumë e admironte atë si lojtar dhe sa donte që 21-vjeçari të luante për të.
Është normale që një trajner ta bëjë këtë. Por Liverpooli kishte luajtur sipas rregullave dhe kishte ardhur koha që Klopp të bënte të qartë vlerësimin e tij për talentin e mesfushorit.
Por Caicedos e kishte mendjen e ndarë. Ai donte kalimin te Chelsea, dhe asgjë tjetër.
Chelsea më pas njoftoi se kishte arritur një marrëveshje rekorde prej 135 milionë eurosh me Brightonin për transferimin e Caicedos. Për t'i bërë gjërat edhe më keq për Liverpoolin, Chelsea më pas i mundi ata për blerjen e mesfushorit të Southampton, Romeo Lavia disa ditë më vonë.
