Kylian Mbappe është shpërfillur nga shokët e skuadrës që votuan për kapitenin e tyre të ardhshëm.
Sipas udhëzimit të trajnerit të ri Luis Enrique, kapiteni i ri u zgjodh me votim të fshehtë.
Por Mbappe përfundoi vetëm i katërti në zgjedhje, sipas gazetës franceze RMC Sport.
Mbappe u rikthye në skuadër për ndeshjen e dytë të kampionatit pasi u përjashtua kur refuzoi të nënshkruante një kontratë të re.
Por pritshmëria është se ai tani do të zgjasë marrëveshjen e tij, e cila do të përmbajë një klauzolë lirimi që do t’i lejonte sulmuesit të transferohej te Real Madrid nëse ata bëjnë një ofertë të barabartë me shumën e klauzolës.
Më herët, PSG pranoi një ofertë prej 345 milionë eurosh nga skuadra saudite Al-Hilal për Mbappe, por sulmuesi vendosi të mos lëvizë.
Në votimin e kapitenit, Marquinhos ruajti statusin e tij si kapiten i PSG-së, me Danilo Pereira në vendin e dytë dhe Presnel Kimpembe në të tretin.
Mbappe ka qenë kapiten i PSG-së në disa raste dhe ka qenë kapiten i skuadrës rregullisht në ndeshjet e fundit të sezonit të kaluar.
Por përpjekjet e tij për t’u larguar nga klubi duket se nuk janë pëlqyer nga shokët e tij të skuadrës – duke pasur parasysh se ai ka të ngjarë të kishte qenë një nga favoritët për të marrë shiritin në të kaluarën.
Sulmuesi ka realizuar 213 gola në 261 ndeshje me parisienët.
