Bayern Munichi ka kompletuar transferimin e Daniel Peretz.
Klubi gjerman njoftoi zyrtarisht këtë të premte për transferimin e portierit izraelit.
Ai me Bayernin ka nënshkruar kontratë pesë-vjeçare, të vlefshme deri më 30 qershor 2028.
Sipas transferimeve, “Bavarezët” e transferuan Peretzin nga Maccabi Tel Aviv për 5 milionë euro.
“Është një ëndërr për çdo fëmijë që një ditë të luajë për një klub aq të madh sa Bayerni.
Kur dëgjova për interesimin e Bayernit, kisha vetëm një dëshirë: të kaloja këtu.
Unë jam i uritur për gjithçka që do të vijë”, u shpreh 23-vjeçari pas zyrtarizimit te kampionët gjermanë.
