Federata e Futbollit të Gjermanisë, të mërkuren ka emëruar Julian Nagelsmannin si përzgjëdhes të kombëtares. Ish-trajneri i Bajern Munihut do ta drejtojë Gjermaninë në Kampionatin Evropian, “EURO 2024”.
Ai do të jetë zëvendësues i Hansi Flikut, i cili u shkarkua pas rezultateve të dobëta në ndeshjet e fundit. Por, përpara Nagelsmanit, drejtuesit e Federatës Gjermane të Futbollit tentuan Jurgen Klopp.
Tekniku i Liverpullit ishte dëshira e madhe e DFB-së, por Klop refuzoi udhëheqjen e kat9ër herë kampionëve të botës.
56-vjeçari ka kontratë me “The Reds” deri në verën e vitit 2026. Ai ndihet shumë mirë në Premier Ligë dhe ka ndërmend ta respektojë marrëveshjen me Liverpullin deri në fund.
