Amir Rrahmani u dëmtua në kofshën e majtë në takimin kundër Bragës në mesjavë, i vlefshëm për grupin C në Champions League.
Rudi Garcia iu gëzua fitores së vështirë 1-2 në Portugali, por trajnerin e shqetëson frenimi i qendërmbrojtësit.
Kapiteni i Kosovës u largua nga fusha në minutën e 13’, ndërkohë që i është nënshtruar testeve të specializuara mjekësore.
29-vjeçari ka pësuar një lëndim të shkallës së ulët të muskulit gjysmëmembranoz të kofshës së majtë. Dhe do i duhet të qëndroje larg fushave për një periudhë nga 7-14 ditë.
Rrahmani ka humbur në këtë mënyrë sfidat përballë Bolognas, Udineses dhe Lecces në Serie A. Që do të zhvillohen në një distancë prej 6 ditësh.
Te Napoli shpresojnë ta kenë të gatshëm liderin e prapavijës për duelin e Championsit kundër Real Madrid në “Diego Maradona”. Takim i programuar për datën 3 tetor.
Ose ndaj Fiorentinës pesë ditë më vonë, ndeshja e fundit përpara ndërprerjes së kampionatit për shkak të Kombëtareve.
