Ylber Ramadani po përjeton momentin më të mirë të karrierës.
Ky mesfushor po arrin që të shkëlqejë te Kombëtarja dhe në klub, këtë herë në nivelet më të larta, në Serinë A. Që pas transferimit te Lecce ka marrë edhe vendin e titullarit.
Në mbrëmjen e djeshme është marrë një tjetër fitore, kundër Genoas, në shifrat 1-0.
Pas këtij tre pikëshi, Lecce ka marrë përkohësisht vendin e 2 në Serinë A, teksa nuk numëron humbje deri tani.
Sa i përket vlerësimit të Ramadanit, “Tuttomercatoweb” i ka dhënë notën 6.5, duke e futur tek më të mirët e takimit.
“Ka fizikun dhe personalitetin e duhur në mesfushë, e menaxhon mirë topin dhe vendos diktatin në mesfushë”, shkruhet nga media italiane.
