Arthur Vermeeren është padyshim një nga talentet në rritje në futbollin belg dhe atë botëror.
Lojtari i datëlindjes 2005, në fakt, luan për Antwerp dhe tashmë ka përfunduar në shënjestrën e shumë klubeve të mëdha të botës.
Juventusi, Milani, Barcelona dhe Arsenali janë gati për të luftuar për të siguruar shërbimet e tij. Ndërkohë, trajneri i tij Marco Van Bommel foli për Het Laatste Nieuws si më poshtë:
“Nëse klubet e mëdha europiane janë të interesuar, do të jetë e vështirë të mbahet, edhe nëse do të jetë e nevojshme të investohet një shumë e madhe parash.
“Megjithatë kam dyshime: Vermeeren mund të përshtatet në një nivel më të lartë, siç ndodhi me Bellingham, por ndoshta atij i duhet më shumë kohë. Unë e këshilloj që të qëndrojë këtu dhe të presë pak më shumë përpara se të shkojë në një klub të madh”.
Dhe më pas shtoi:
“Ai arriti një nivel fantastik në pak më shumë se një vit. Vazhdoi të luante mirë edhe kur të gjithë sytë ishin gjithnjë e më shumë tek ai.
“Ne po punojmë vazhdimisht për të siguruar që ai të vazhdojë të rritet. Ai e bën këtë automatikisht, dhe kjo është pikërisht për shkak të talentit natyral që ka”.
