Besnik Prenga ka punuar prej kohësh në të mirën e futbollistëve shqiptarë duke dërguar shumë produkte të Superiores në Kroaci me Lokomotivën e Zagrebit.
Në një intervistë të fundit për mediat kroate, Prenga e ka bërë të qartë se do të ndihmojë Shqipërinë me më shumë informacione rreth Kroacisë.
“Trajneri është një brazilian (Sylvinho), i cili arriti të ndërtojë një ekip shumë të mirë në një kohë të shkurtër.
Më e rëndësishmja për të është se ai krijoi një atmosferë pozitive dhe këtë e ndjejnë edhe lojtarët që nuk luajnë.
Të gjithë e marrin frymë për Kombëtaren dhe të gjithë kanë një ngarkesë të fortë kombëtare. Secili prej tyre do të bëjë më të mirën, edhe nëse luajnë për pesë minuta.
Ka qenë e vështirë të jetosh në Shqipëri në kohën e qeverisjes së Enver Hoxhës, mundësitë e jetës ishin shumë të vogla, sidomos për sport. Kishim kushte shumë të këqija për futbollin; stadiume të mëdha e të bukura, por fushë tmerrësisht të keqe.
Uzuni, Kastrati, Mersinaj, Cokaj, Tuci, Kallaku, të gjithë kanë lënë gjurmë te Lokomotiva. I solla edhe lojtarin më të mirë të Ballkanit në atë kohë, Arbër Hoxhaa për të cilin konkurrenca në Lokomotivë ishte shumë e fortë.
Nëse ai tani shkon te Dinamo, është një kënaqësi e madhe për mua, sepse njoha dhe solla një lojtar të mirë. Meqë ra fjala, lojtari më i mirë që solla, Myrto Uzuni, luan në Granada të Spanjës dhe ka 29 paraqitje për Shqipërinë.
Në sezonin e fundit ai ishte golashënuesi më i mirë në ligën e dytë spanjolle. Në Kombëtare ka qenë edhe Cokaj, ashtu si edhe Mersinaj. Lojtarët e kombëtares shqiptare luajnë kryesisht jashtë vendit, shumica në Itali.
Shqipëria? Nuk më kanë kërkuar ende ndihmë, por duke pasur parasysh marrëdhëniet e mira me presidentin e Federatës Shqiptare, pres që të më telefonojnë.
Nuk do të ishte e pavolitshme për mua, sepse sado të jetoj dhe punoj në Kroaci, nëse shqiptarët më kërkojnë ndihmë, do të jem në dispozicion të tyre.
Ka pak mundësi që Dalic të më kontaktojë. Ai ka punuar në Shqipëri, ka shumë miq dhe të njohur atje që mund ta ndihmojnë më shumë se unë. Unë mund t’i ndihmoj shqiptarët më shumë se kroatët”, tha Prenga.
