Për shkak të dëmtimeve afatgjata për Eder Militao dhe David Alaba, kapiteni i Real Madrid, Nacho Fernandez, është bërë një titullar i rregullt javët e fundit.
33-vjeçari ka qenë prej kohësh një opsion rezervë te Los Blancos, ku ka qenë që nga fillimi i karrierës së tij profesionale, por tani ai ka një rol shumë të spikatur.
Krahas Antonio Rudiger, Nacho do të ketë një rol jashtëzakonisht të rëndësishëm në zemrën e mbrojtjes së Real Madridit nga tani deri në fund të sezonit.
Kjo fillon me finalen e Superkupës së Spanjës të së dielës kundër Barcelonas, dhe përpara këssaj ndeshje, veterani foli për mediat për shokun e tij të skuadrës.
“Rudiger është një lojtar i veçantë. Ai është pak i çmendur, por një shok i jashtëzakonshëm. Është fantastike të kesh një lojtar të tillë në qendër të mbrojtjes. Partneriteti ynë është përshtatur në mënyrë luksoze. Është kënaqësi të luash me të, ai është një shoku i skuadrës dhe lojtari më i mirë”.
Nacho gjithashtu trajtoi faktin se ai dhe Rudiger janë të vetmit qendërmbrojtës natyralë të Real Madridit, gjë që ka çuar në spekulime për një nënshkrim të mundshëm këtë muaj.
“Ne kemi një skuadër shumë të kompletuar. Pavarësisht dëmtimeve, mendoj se kemi burimet për të kompensuar mungesat. Në fund të fundit, është çështje e klubit, trajnerit, presidentit”.
Muajt e ardhshëm do të jenë vendimtarë për trashëgiminë e Nachos te Real Madrid. Ai ka shansin të çimentojë veten si një hero nëse bën paraqitja të nivelit të lartë dhe të ndihmojë Los Blancos në suksese të shumta, duke filluar me Superkupën.
