Prishtina është në presion të Ballkanit.
Kampioni Ballkani i Therandës dhe fituesi i Kupës së Kosovës, Prishtina, nesër luajnë në finale për Superkupën e Kosovës.
Përballja luhet (11.00) në stadiumin “Merdan Palace” në Antalia.
Futbollisti i Prishtinës, Mërgim Pefqeli, beson e shpreson se do të ngadhënjejnë ndaj rivalit.
"Ndodhemi në fazë përgatitore dhe si çdo skuadre tjetër edhe neve po na shërben që të përgatitemi në mënyrën më të mirë të mundshme.
Fatmirësisht grupi i futbollistëve po kompletohet dalëngadalë pasi që të gjithë po rikthehen nga lëndimet dhe po shpresojmë shumë që këtë edicion, të paktën, të arrijmë objektivin minimal të skuadrës, daljen në Evropë.
Ndërsa, përballja për Superkupë sigurisht për ne si ekip paraqet rëndësi të lartë, sepse si klub gjithmonë synojmë të gjitha trofetë e mundshëm dhe sidomos nëse na ofrohet mundësia për të luftuar për to", tha Pefqeli për faqen e FC Prishtina.
